O‘zbekiston Xalq demokratik partiyasidan Surxondaryo viloyat Kengashiga saylangan deputat Dilfuza Jo‘rayeva tuman hokimi va sektor rahbari, mutasaddi tashkilotlar bilan hamkorlikda Termiz tumani «Nurafshon» mahallasidagi ikki qavatli uylar hamda 25-umumiy o‘rta ta’lim maktabidagi kamchiliklarni o‘rganmoqda va muammolarni hal qilishda bosh-qosh bo‘lmoqda.

Jumladan, Termiz tumanidagi ko‘p qavatli uylarda uy ta’miri boshlandi, elektroshitlar yangisiga almashtirilib, gaz quvurlari qayta ta’mirdan chiqarilmoqda. Kam ta’minlangan, kasalmand oilalarga oziq-ovqat mahsulotlari yetkazib berilmoqda. Chiqindilar to‘liq olindi. Hovlilardagi betartib qurilgan tandir-o‘choqlar buzildi. Hamma hasharga jalb etildi. Uylarga kirish eshiklariga buyurtma berildi. Podyezdlarga oynalar qo‘yilmoqda.

Shuningdek, Uchqizil MFY 5 qavatli uylar atrofidagi chiqindixona to‘lib ketgani haqidagi murojaatni o‘rganib, masala sektor rahbari yordamida joyida bartaraf etildi.