O‘zbekiston Xalq demokratik partiyasi Yangiobod tuman kengashi tomonidan "Inson qadri uchun" shiori ostida “O‘zbekiston Xalq demokratik partiyasining eng faol deputati” ko‘rik-tanlovining tuman bosqichi bo‘lib o‘tdi.

Unda Oliy Majlis Qonunchilik palatasi deputati M.O‘razaliyeva, O‘zXDP Jizzax viloyat kengashi raisi o‘rinbosari M. Boboyevalar qatnashib, tanlovda ishtirok etgan 6 nafar deputatlarni Nizom talabi asosida 3 shart bo‘yicha siyosiy va huquqiy bilimlari hamda iste’dodlarini baholab bordilar.

Tanlov yakuniga ko‘ra, 15-Iskandar saylov okrugi deputati Raimova Gulbahor G‘aybullayevna faxrli 1-o‘ringa loyiq deb topilib, viloyat bosqichiga yo‘llanmani qo‘lga kiritdi. Qolgan deputatlar ham nominatsiyalar bo‘yicha taqdirlandi. Tanlov yakunida ishtirokchilarga maxsus diplom va sovg‘alar tantanali ravishda topshirildi.