O‘zbekiston Xalq demokratik partiyasi Qonliko‘l tuman kengashi va Xalq deputatlari Qonliko‘l tuman Kengashidagi partiya guruhi tashabbusi bilan onalar va bolalar salomatligini mustahkamlash, xotin-qizlar orasida sog‘lom turmush tarzini targ‘ib qilish, ularning tibbiy madaniyatini oshirishga qaratilgan “Sog‘lom ona – sog‘lom oila” loyihasi tashkil etildi.

Uning doirasida “Qosjap” ovul fuqarolar yig‘ini hududidagi oilaviy poliklinika mutaxassislari hudud aholisini tibbiy ko‘rikdan o‘tkazib, xotin-qizlar va bolalar salomatligini asrash, turli kasalliklarni erta aniqlash va oldini olish yuzasidan o‘z tavsiyalarini berishdi. Kasalligi aniqlangan fuqarolarga davolanish uchun yo‘llanmalar berildi.