O‘zbekiston XDP Jalaquduq tuman kengashi raisi O. Nosirov tomonidan "Onalik va bolalik muhofazasi doimiy e’tiborda" loyihasi asosida tadbir tashkil etildi.

Unda So‘fiqishloq mahallasida yashovchi 28 nafar ayollar oilaviy poliklinikada bepul tibbiy ko‘rikdan o‘tkazildi. Shundan 3 nafariga davolanish uchun yo‘llanma, 1 nafariga order, 12 nafariga kerakli dori-darmonlar berildi.

Shuningdek, shifokorlar tomonidan xotin-qizlarga sog‘lom hayot, sog‘lom turmush hamda onalik va bolalik muhofazasi yuzasidan tushunchalar berib o‘tildi.