O‘zbekiston XDP Chiroqchi tuman kengashi tashabbusi bilan tumandagi “Olmazor” mahalla fuqarolar yig‘inida onalar va bolalar salomatligini mustahkamlash maqsadida tibbiy ko‘rik tashkil etildi.

Tuman markazidan malakali shifokorlar jalb qilingan holda mahalla fuqarolar yig‘inidagi ijtimoiy himoyaga muhtoj oilalarning xotin-qizlari hamda bolalar, pensiya yoshidagi ayollar bepul tibbiy ko‘rikdan o‘tkazildi.

Loyiha doirasida 37 nafar ona va 14 nafar bolaning salomatligi tekshirilib, shifokorlarning tegishli ko‘rsatmalari, maslahatlari berildi.