O‘zbekiston XDP Amudaryo tuman kengashi tomonidan mustaqillik yillarida partiyamiz a’zolarining jamiyatimiz hayotidagi barcha siyosiy ijtimoiy jarayonlarda faol qatnashib, tub islohotlarni amalga oshirishda samarali faoliyat ko‘rsatayotganini keng targ‘ib qilish maqsadida «Yangi hayot uchun, Yangi O‘zbekiston uchun!» mavzusida davlat mustaqilligining 32 yillik bayrami oldidan davra suhbati o‘tkazildi.

Unda so‘zga chiqqan partiyaning tuman tashkiloti raisi, tuman Kengashi deputati Maqsud Sa’dullayev mustaqillik yillaridagi islohotlar va xalqimizning ertangi farovonligini yanada yuksaltirish borasida olib borilayotgan ishlarda partiyamiz faollari, deputatlarining hissasi va faolliklari to‘g‘risida ma’lumot berdi.