O‘zbekiston Xalq demokratik partiyasi Qo‘ng‘irot tuman kengashi tomonidan 48-sonli maktabda “Sog‘lom oila — sog‘lom jamiyat” shiori ostida davra suhbati tashkil etildi.

Tadbirda oilada sog‘lom muhitni yaratish, farzand tarbiyasi, har qanday vaziyatlarda yoshlar bilan ota-onalarning munosabatlarini yanada yaxshi tomonga o‘zgartirishga ko‘maklashuvchi usullar va xotin-qizlarning oila va jamiyatdagi nufuzini oshirish masalalari muhokama etildi.

O‘zbekiston Xalq demokratik partiyasi Qo‘ng‘irot tuman kengashi raisi G. Baltabayeva so‘zga chiqib, mamlakatimizda olib borilayotgan keng ko‘lamli islohotlar, ayniqsa, xotin-qizlarga berilayotgan imtiyozlar yuzasidan ma’lumotlar berib, oila va jamiyatda xotin-qizlarning o‘rni va nufuzini yanada oshirish, milliy qadriyatlarimiz, an’analarimizni asrash, e’zozlash, farzand tarbiyasida, oila mustahkamligini ta’minlashda ayolning, onaning o‘rni beqiyosligi haqida aytib o‘tdi.