“Ochiq eshiklar kuni” tadbirlari doirasida O‘zbekiston Respublikasi Oliy Majlisi Qonunchilik palatasi Spikerining o‘rinbosari, Qonunchilik palatasidagi XDP fraksiyasi rahbari hamda partiya Markaziy Kengashi raisi Ulug‘bek Inoyatovning bir guruh yoshlar bilan uchrashuvi ham bo‘lib o‘tdi.

Muloqotda Parlament faoliyati bilan batafsil tanishtirish bilan bir qatorda mamlakatimizda yoshlar ta’lim-tarbiyasi va kamolotiga alohida e’tibor qaratilayotgani, yoshlarning bepul umumiy ta’lim olish huquqining kafolatlangani, iste’dodli yoshlarni qo‘llab-quvvatlash maqsadida Prezident maktablari, Temurbeklar maktabi, ijod va ixtisoslashtirilgan maktablarda yoshlarga zamonaviy ta’lim-tarbiya berilayotgani ta’kidlab o‘tildi.