Қўқон шаҳридаги маҳаллаларда "маҳалла еттилиги" фаолиятини янада қўллаб-қувватлаш, маҳаллаларда ижтимоий муаммоларни аниқлаш ва ҳал этиш ишларини комплекс ташкил этиш, ижтимоий-маънавий муҳитни соғломлаштириш, аҳоли бандлигини таъминлаш ва тадбиркорликни ривожлантириш каби йўналишлар ҳолатини таҳлил этиш мақсадида депутатлардан иборат ишчи гуруҳ ўз фаолиятини бошлади.

Ўзбекистон Халқ демократик партияси Қўқон шаҳар кенгашида тузилган шаҳар ишчи гуруҳи аъзолари томонидан "Ғишт кўприк", "Парпашобоф", "Тўхлимерган" ва "Бақа чорсу" МФЙларида "маҳалла еттилиги" билан ҳамкорликда ўрганишлар олиб борилди.

Ишчи гуруҳининг ўрганишлар натижаси юзасидан умумий хулосалари тегишли ташкилотларга юборилди.