Короновирусга чалинган беморлар ёнида кечаю кундуз курашаётган врач, қадрдон укамиз Зафар Мейлиевга ва барча тиббиёт ходимларига бағишланади.

Иситмалаб ётган бемор ёнида,
“Кўринмас аждар”ни енгинг мафҳ этинг.
Биз уйда, сиз эса “жанг майдонида”,
Бизларни кечиринг, бизни авф этинг.

“Бир ютум ҳаво” - деб, мўлтирар кўзлар,
Жонидан азобни бартараф этинг.
Нинанинг учида юрган азизлар,
Бизларни кечиринг, бизни авф этинг.

Биз қачон етибмиз иззитингизга,
Сиз мулки маъзурни дур,садаф этинг.
Қандайин қараймиз кўзларингизга?!
Бизларни кечиринг, бизни авф этинг.

Сиз бардош, сиз нажот фаришталари,
Юртни байрамларга мушарраф этинг.
Гул кўтариб борсак ҳузурингизга,
Бизларни кечиринг, бизни авф этинг.

Зулфия Мўминова шоира.