Азиз ватандошлар!
Дунёда кўплаб давлатларда коронавирус пандемияси билан боғлиқ вазият кундан-кун жиддий тус олмоқда. Афсуски бу касаллик бизнинг ватанимизни ҳам четлаб ўтмади. Юртимиз раҳбари бошчилигида аҳоли ўртасида касалликни кенг тарқалиб кетишини олдини олиш учун зарур чора-тадбирлар кўрилмоқда. Президент томонидан жорий йилнинг 3 апрель куни имзоланган Фармонда аҳолимизни пандемия таъсирида юзага келадиган ижтимоий ва иқтисодий оқибатлардан ҳимоя қилиш йўл-йўриқлари аниқ кўрсатиб берилди. Ҳурматли юртдошлар, барчамизнинг вазифамиз аҳоли орасида ваҳима ва саросиманинг олдини олиш, оиламизга, жамоамизга касаллик киришига йўл қўймасликдир.
Ўзбекистон Халқ демократик партияси фракцияси депутатлари барчангизга ва ҳар бирингизга мурожаат қилади: Синовли кунларда уйда қолинг, жорий қилинган карантин тартибига нафақат ўзимиз амал қилайлик, балки фарзандларимиз, қўни-қўшниларимиз томонидан ҳам бу тартиб қатъий бажарилишини таъминлайлик. Тиббиёт ходимлари томонидан тавсия қилинган барча гигеник талабларга тўлиқ риоя қилайлик. Бу билан сиз нафақат ўзингизни, балки бутун ҳалқимизни асраган бўласиз.
Бугун инсоният катта синовларни бошдан кечирмоқда.
Бир лаҳза: Оллоҳим нечун ўз суюкли бандалари бошига бундай қирғинни эп кўрди, деб мулоҳаза қилинг.
Синов учун, ибодат учун имкон ва вақт инъом этди.
Сабрли бўлинг ва фикр қилинг.
Мақсуда ВАРИСОВА,
Ўзбекистон ХДП фракцияси аъзоси.