2020 йил 1 июль куни Халқ депутатлари вилоят кенгаши депутатлари С.Файзиева, В.Кимлар Бўстонлиқ тумани Пском қишлоқ врачлик пункти биносининг таъмирлаш ишлари билан танишиб, “Пском” ва “Такаёнғоқ” маҳалла фуқоралар йиғинлари аҳолиси билан учрашув ўтказилган эди. Фуқаролар томонидан “Пском” ҚВП қошида дорихона ташкил этиш бўйича амалий ёрдам сўралган эди.

Ушбу мурожаатни ижобий хал этиш мақсадида жорий йилнинг 3 июль куни Президентимизнинг 2018 йил 14 апрелдаги “Фармацевтика тармоғини жадал ривожлантириш бўйича қўшимча чора-тадбирлар тўғрисида”ги қарори, Соғлиқни сақлаш вазирлигининг 2018 йил 17 февралдаги “Ижтимоий дорихоналар жойлашувини аниқлаш ҳақида”ги 104-сонли буйруқлари асосида “Пском” ҚВПда Ижтимоий дорихона ташкил қилиш масаласида Бўстонлиқ туманидаги 50-дорихона раҳбари К.Расулметов, туман тиббиёт бирлашмаси бошлиғи в.б Н.Баракаевалар билан гаплашилди.

Пском МФЙ аҳолиси томонидан кўтарилаган масала депутатлар аралашуви билан ижобий хал этилиб, Бўстонлиқ тумани тиббиёт бирлашмаси томонидан Пском қишлоқ врачлик пунктида махсус хона ажратилди зарурий мебель жихозлари ва дори-дармонлар билан таъминланди.

“Пском” ҚВП қошида “Ижтимоий дорихона” фаолиятини бошлади ва дорихонага Дилрабо Саримсоқова моддий жавобгар шахс этиб тайинланди.

Сайёра Файзиева,

Халқ депутатлари вилоят кенгаши депутати.