Меҳрибонлик уйидан чиққан чин етим болалар уй-жой билан таъминланади
Танзила Норбоева, Олий Мажлис Сенати раиси:
– Йил бошида меҳрибонлик уйлари тарбияланувчиларини ижтимоий қўллаб-қувватлаш борасидаги ишлар ҳолатини танқидий кўриб чиқиб, мутасаддилар олдига аниқ вазифаларни белгилаб қўйган эдик. Шунда биз «Ота-онасиз болаларимиз меҳрибонлик уйларидан чиққанидан кейин қаерда яшайди, уй-жойи йўқ-ку», деб ҳокимлар билан фикр-мулоҳазалар алмашгандик.
Мана, келгуси йилда энди чин етим болаларни уй-жой билан таъминлаш учун биринчи маротаба 30 млрд. сўм маблағ ажратилиши белгиланди. Энди болаларимизнинг меҳрибонлик уйидан чиққанидан кейин ҳаммасининг бошпанаси бўлади.