Аҳоли мурожаатлари билан ишлаш, тезкор чораларни кўришда Олий Мажлис Қонунчилик палатаси депутатининг ҳар доим ҳам имкониятлари етарли бўла олмаслиги мумкин. Бу борада Халқ демократик партияси Марказий Кенгаши ёрдами билан сайлов округларида парламент депутатининг вакили вазифаси жорий этилгани муҳим аҳамиятга эга бўлаётганини таъкидлаш жоиз. Фракциямиз аъзолари ўз вакиллари орқали сайловчилар билан доимий алоқада бўлиб турибди.

Бу жараёнда маҳаллий Кенгашлар депутатлари билан самарали ҳамкорлик йўлга қўйилди. Сайловчиларни қийнаб келаётган муаммоларни жойида ҳал этиш имкони ортяпти.

Масалан, пандемия шароитида тумандаги ишлар, озиқ-овқат нархлари ошиб кетмаслиги билан боғлиқ ижтимоий масалалари бўйича кундалик назорат амалга ошириляпти.

Эътиборга молик яна бир томони, мурожаат йўллаган фуқарони ўйлантираётган муаммо бўйича тезкорлик билан иш ташкил қилишга эришилмоқда. Вакил томонидан тезкор маълумотлар депутатга ҳавола этилганидан сўнг, депутат мутасадди раҳбарлар билан ушбу масалани тезкор ҳал қилишга масъул бўлади. Айрим мурожаатлар ҳам борки, вакил томонидан ўрганиш хулосаси тақдим этилгандан сўнг мурожаат этувчига қонуний тушунтириш ишлари ҳам амалга оширилади.

Шоҳиста Турғунова,

Олий Мажлис Қонунчилик палатасидаги ЎзХДП фракцияси аъзоси

(Депутатнинг вакили Ю.Дедабоевнинг 51-Чортоқ сайлов округидаги фаолиятидан)