Ҳаётда тушкунликка тушган инсоннинг оғирини енгил, мушкулини осон қилиш савобли амаллалардан биридир. Бугун халқ манфаати йўлида хизмат қилаётган ҳар бир раҳбар, депутат борки, маҳаллаларга, керак бўлса, ҳар бир фуқаронинг хонадонига бориб, уларнинг муаммоларини ўрганмоқда.

Куни кеча халқ депутатлари Урганч шахар кенгашидаги ЎзХДП депутати Ширин Рўзметова томонидан шаҳардаги “Тозабоғ” маҳалласида яшовчи “Темир дафтар” га киритилган бир гуруҳ аёллар иштирокида учрашув ўтказилди.

Учрашувда Ш.Рўзметова ўз депутатлик фаолияти юзасидан ахборот бериб, фуқароларнинг мурожаат ва таклифларини қабул қилди. Фукаролар томонидан кредит олиш, тадбиркорликни йўлга қўйиш юзасидан ҳуқуқий тушунчалар бериш бўйича саволлар ва таклифлар тушди. Сайловчиларга бу бўйича атрофлича тушунтиришлар берилди.

Учрашувда ЎзХДП Хоразм вилоят кенгаши ходимлари ва ЎзХДП Урганч шахар кенгаши раиси ҳам ўз маьрузаси билан иштирок этди. Давлатимиз раҳбарининг парламентга ва халқимизга йўллаган Мурожаатномасининг мазмун-мохияти ҳамда жорий йилда хотин-кизлар ва ёшларга яратиб берилаётган имтиёз ва кредитлар, таьлим со\асидаги ўзгаришлар тўғрисида батафсил маълумот берди.

Учрашувнинг энг ахамиятга эга бўлган натижадорлиги шундан иборатки, депутат ёрдамида “Тозабоғ” МФЙда истиқомат қилувчи Санобар Болтаева Урганч шаҳар касб-ҳунар қурилиш техникумига кутубхоначи, Қундуз Атаева Урганч шаҳар касб-ҳунар ўқитиш марказига тозалик ходимаси, Кумуш Ҳусаинова “Элегант” ўқув марказига ўқитувчи, Кумуш Раҳимова “ФАЙЗ МЭД ОЛАМ” х/қ га ҳамшира, Муборак Жуманиёзова “ФАЙЗ” х/ф га тикувчи лавозимларига ишга қабул қилиниб, бандлиги таьминланди.

ЎзХДП Хоразм вилоят кенгаши