“Аёллар дафтари”га киритилган ишсиз аёллар ҳунар ўрганмоқда
Халқ депутатлари Хоразм вилоят ва Урганч туман кенгашларидаги ЎзХДП депутатлари хайрли ташаббусга қўл уришди.
Депутатлар аҳоли бандлигига кўмаклашиш маркази билан ҳамкорликда Урганч туман “Чолиш” қишлоғи “М.Хоразмий” ҳамда “К.Отаниёзов” маҳалласидаги Маданият уйида “Аёллар дафтари”га киритилган ишсиз аёллар учун қайта касбга ўқитиш яьни тикувчилик йўналиши бўйича ўкув қурслари ташкил этишди.
Тикувчилик курси бўйича жами 2 та гуруҳ шакллантирилди. Айни кунда биринчи гуруҳда 15 нафар, иккинчи гуруҳда эса 10 нафар “Аёллар дафтари”га киритилган хотин-қизлар чеварчилик сир-асрорларини ўрганмоқда.
ЎзХДП Хоразм вилоят кенгаши