Норин тумани 2-сектор ҳудудидаги 14 та маҳалла фуқаролар йиғинларида 502 нафар хотин-қизлар «Аёллар дафтари»га киритилган. Ўрганишлар натижасида уларнинг 81 нафарида тиббий-кўриккка эҳтиёж борлиги аниқланган. Шуни ҳисобга олган ҳолда ҳудудда опа-сингилларимиз учун бепул тиббий кўрик ташкил этилди.

Кўрик давомида аёллар УЗИ текшируви, кардиолог, ЛОР кўригидан ўтди. Умумий қон таҳлили топширди. Аниқланган касалликлар бўйича шифокорлар маслаҳатини ҳам олди.

Тадбир якунида эшитишда нуқсони бор аёллар учун эшитиш қулоқчинлари, дори воситалари бепул тақдим этилди.