Ўзбекистон ХДПнинг “Аёлларга кўмак” лойиҳаси доирасидаги навбатдаги тадбир Тошкент вилоятининг Чирчиқ шаҳрида бўлиб ўтди. Шаҳардаги 25-округ депутати А.Махсумов ташаббуси билан тиббиёт бирлашмаси ҳамкорлигида аёллар учун тиббий кўрик ташкил этилди.

Депутат сайланган ҳудуд – “Маърифат” маҳалла фуқаролар йиғини биносида ташкил этилган тиббий кўрикда кам таъминланган, ногиронлиги бўлган, ижтимоий ҳимояга муҳтож хотин-қизлардан 92 нафари иштирок этди. Улар эндокринолог, умумий касалликлар шифокори, пульмонолог, педиатр, гинеколог, кардиолог, невропатолог, дерматолог каби мутахассислардан иборат 8 нафар малакали шифокор томонидан кўрикдан ўтказилиб, аниқланган хасталиклари бўйича тегишли маслаҳат ва тавсиялар берилди.