Олий Мажлис Қонунчилик палатаси депутатлари Дилбар Мамажонова, Мавжуда Ҳасанова, Ўрол Ўрозбоевлар Фориш туманида “Темир дафтар”га киритилган оилаларнинг турмуш шароити, бу борада тумандаги 4 та сектор раҳбарлари томонидан амалга оширилаётган ишларнинг натижадорлигини ўргандилар.
Депутатлар ўрганиш жараёнида уйма-уй юриб, “Темир дафтар”га киритилган оилаларга моддий ёрдам, тиббий хизмат, оилаларни қўллаб-қувватлаш чора-тадбирларини молиялаштириш, томорқадан фойдаланиш аҳволи, “Темир дафтар”дан чиқариш тартибига риоя қилиниши каби масалаларни кўриб чиқдилар.
Ўрганиш натижаси бўйича “Темир дафтар”га киритилган оилаларни ҳар томонлама ижтимоий қўллаб-қувватлаш мақсадида “Саховат ва кўмак” умумхалқ ҳаракати доирасида эҳтиёжманд ва муҳтож оилаларнинг аниқ рўйхати сектор штаблари аъзолари ҳамда маҳалла фуқаролар йиғинлари иштирокида уйма-уй юриш орқали шакллантирилганлиги ҳамда улар ҳар томонлама қўллаб-қувватланаётгани маълум қилинди.
Фориш туман ҳокимлиги ахборот хизмати