“Соғлом ҳаёт сари 5000 қадам”
Фарғона вилояти Қувасой шаҳрида “Соғлом ҳаёт сари 5000 қадам” шиори остида юриш марафони ўтказилди.
Унда Қувасой шаҳар ҳокими Равшан Раҳимжонов бошчилигида шаҳардаги корхона, ташкилот, муассаса раҳбарлари ва ишчи ходимлари, сиёсий партиялар, жумладан, Халқ демократик партияси Қувасой шаҳар Кенгаши ходимлари, партия фаоллари, халқ депутатлари шаҳар Кенгаши депутатлари, МФЙ раислари ва аҳолининг турли қатлам вакилларидан иборат 700 дан зиёд фуқаро иштирок этди.
Марафондан бадантарбия машқлари ҳамда спортнинг бир қатор турлари, хусусан, стол тенниси, шахмат-шашка, футбол, волейбол бўйича мусобақалар ўтказилди.
