Аёлларимиз соғ-саломат бўлса, хонадонимизда хотиржамлик,  файз-барака бўлади. Шундай экан, хотин-қизлар саломатлигини асрашимиз, бу борада амалий ҳаракатларга қаратилган лойиҳаларни амалга ошириш муҳим аҳамиятга эгадир.

Бу борада пойтахтимизнинг ЎзХДП Яшнобод туман кенгаши томонидан ҳам муайян ишлар амалга оширилмоқда. Жумладан, “Хотин-қизлар саломатлигини мустаҳкамлаш ва тиббий маданиятини ошириш” лойиҳаси асосида туманнинг “Жарқўрғон” маҳалла фуқаролар йиғинида ҳамда 416-мактабгача таълим муассасасида хотин-қизлар учун чуқурлаштирилган тиббий кўрик ташкил этилди.

Тошкент стоматология институти ҳамда Тошкент тиббиёт академиясига қарашли 3-клиника билан ҳамкорликда ташкил этилган ушбу лойиҳа доирасида 100 дан ортиқ хотин-қизлар тиббий кўрикдан ўтказилди. Текширувда касаллик аниқланган хотин-қизларга муолажа олишлари учун йўлланмалар берилди.

Партия ташаббуси билан хотин-қизлар учун мўлжалалнган тиббий кўриклар пойтахтимизниг барча маҳаллаларида ташкил этилади.

А.Мамаджонов,

Ўзбекистон ХДП Тошкент шаҳар кенгаши сектор мудири