Болажонлар орзиқиб кутадиган Янги йил байрамига ҳам саноқли кунлар қолди. Жойларда эса жажжилар иштирокида байрам тадбирлари бошлаб юборилди. Шундай тадбирлардан бири Тошкен туманида жойлашган вилоят болалар фтизиатрия сиҳатгоҳида ўтказилди.
Халқ депутатлари Тошкент туман Кенгаши ҳамда депутат Феруза Йўлдошева ташаббуси билан ташкил этилган байрам тадбирида сиҳатгоҳда даволанаётган болажонлар томонидан тайёрланган Янги йил байрам дастури намойиш этилди. Саҳна кўринишларида эртак қаҳрамонлари, Қорбобо ва Қорқизнинг байрам саргузаштлари болажонлар қалбини қувончга тўлдирди.
Тадбир сўнгида болажонларимиз учун байрам дастурхони ёзилиб, уларга Ўзбекистон ХДП Тошкент туман Кенгаши ва ҳомийларнинг янги йил совғалари улашилди.
Ўзбекистон ХДП Тошкент туман кенгаши