Кармана туман Аҳоли бандлигига кўмаклашиш марказида Ўзбекистон Ҳалқ демократик партияси Навоий вилояти кенгаши билан биргаликда аҳолининг оғир ижтимоий қатламидаги фуқаролар билан ишлаш, уларни ҳар томонлама қўллаб-қувватлаш, шунингдек, ишсиз хотин-қизларни муаммоларини ҳал этиш борасида давра суҳбати ташкил этилди.

Тадбирда партиянинг Навоий вилояти кенгаши раиси Н.Содиқова партия дастури, унинг истиқболли ғоялари ва оғир ижтимоий аҳволдаги фуқароларни ҳар томонлама қўллаб-қувватлаш борасидаги аниқ таклифларини билдирди. Шундан сўнг Кармана тумани Аҳоли бандлигига кўмаклашиш маркази ходимлари ўзларини қизиқтирган саволлар билан мурожаат қилишди.

Тадбир сўнгида марказ аъзолари партияга аъзо бўлишиб, аъзолик гувохномаларини олишди.