Ўзбекистон ХДП Сирдарё вилояти кенгаши ташаббуси билан тегишли ташкилотлар билан ҳамкорликда Гулистон шаҳри Оила марказида "Олмос аёл" номли давра суҳбати ўтказилди. Давра суҳбатида руҳий саломатлик, инсоннинг ўзига бўлган ишончини оширишга қаратилган слайд ва видео материаллар намойиш қилинди.

Бугунги кунда аёлларнинг ўқиши ва ижтимоий-сиёсий фаоллигини оширишга қаратилган чора- тадбирлар, яратилаётган имкониятлар ҳақида Сирдарё ХДП Хотин-қизлар ва ёшларнинг ижтимоий-сиёсий фаоллигини ошириш масалалари сектори мудири М.Маъмурова маълумот берди.

Иштирокчиларнинг янги имкониятларга ва бугунги давра суҳбатига бўлган фикр-мулоҳазалари тингланди. Тадбир сўнгида байрам муносабати билан аёлларга эсдалик совғалари топширилди.