Аввал хабар берганимиздек, жорий йилнинг февраль ойида ЎзХДП фракциясининг аъзолари халқ депутатлари Кенгашлари билан биргаликда оилавий шифокорлик пунктлари ва оилавий поликлиникалар фаолиятини жойларга чиқиб ўрганиб қайтган эди.
Олий Мажлис Қонунчилик палатасида бўлиб ўтган Халқ демократик партияси фракцияси ва Фуқароларнинг соғлиғини сақлаш масалалари қўмитасининг қўшма йиғилишида Ўзбекистон Республикаси Президентининг “Бирламчи тиббий-санитария ёрдами муассасалари фаолиятига мутлақо янги механизмларни жорий қилиш ва соғлиқни сақлаш тизимида олиб борилаётган ислоҳотлар самарадорлигини янада ошириш чора-тадбирлар тўғрисида”ги фармонининг 4-банди ижроси муҳокама этилди. Фармонга мувофиқ, 2021 йилда 100 та оилавий шифокорлик пункти, 28 та оилавий поликлиника ташкил этилиши белгиланган эди.