Депутат ҳоким ўринбосари лавозимига тайинланди.
Ўзбекистон ХДП аъзоси, халқ депутатлари Сурхондарё вилоят Кенгаши депутати Мустанова Матлуба Абдурашид қизи Жарқўрғон туман ҳокими ўринбосари — Оила ва хотин-қизлар бошқармаси бошлиғи вазифасини бажарувчи лавозимига тайинланди.
Матлуба Мустанова 1974 йилда Жарқўрғон туманида туғилган. 1997 йилда Тошкент ирригатсия ва қишлоқ хўжалигини механизатсиялаштириш институтини тамомлаган. Мутахассислиги – касбий таълим ва техник фанлар.
Мехнат фаолиятини 2004 йилда Қумқўрғон қишлоқ хўжалик махсулотларини қайта ишлаш касб-ҳунар коллежида касбий таълим ўқитувчиси вазифасидан бошлаган. 2018 йилдан буён Жарқўрғон Саноат касб-ҳунар коллежи директори лавозимида ишлаб келаётган эди.
Депутатимизни янги лавозим билан табриклаймиз ва муваффақиятли фаолият тилаймиз!