Ўзбекистон ХДП Тошкент вилояти кенгаши ташаббуси билан Қуйи Чирчиқ тумани кенгаши ҳамда Халқ депутатлари Қуйи Чирчиқ тумани кенгаши депутатлари Д.Абдукаримов ва М.Мусахановлар кўмагида Мингчинор қишлоқ врачлик пунктида хотин-қизларнинг саломатлигини мустаҳкамлаш, турли хил касалликларни эрта аниқлаш ва олдини олиш мақсадида “Соғлом аёл керак ҳаётга” лойиҳаси амалга оширилди.

Унда акушер-гинеколог, терапевт, невропотолог, маммолог, кардиолог сингари мутахассис шифокорлар жалб қилиниб, 40 га яқин хотин-қизлар тиббий кўрикдан ўтказилди. Текширув натижаларига кўра, аёлларни безовта қилаётган касалликлар бўйича муолажа тавсиялари берилиб, кам таъминланган аёлларга шифо масканларига йўлланмалар берилди.