Саховат сўзи қўли очиқлик, олийҳимматлик ва сахийликдир. Саховат сўзи қўли очиқлик ва мурувватликни англатади. Саховатпешалик инсонга хос бўлган хусусиятларнинг энг олижанобидир. Саховат сидқидилдан қилинган яхшилик бўлиб, у беминнатликнинг нишонасидир. Саховат очиқ ва самимий кўнгил мевасидир.

Халқ депутатлари Қашқадарё вилоят кенгашидаги Ўзбекистон Халқ демократик партияси гуруҳ аъзоси Саломат Комилованинг ташаббуси билан Қарши шаҳридаги 18-сонли кўриш имконияти чекланган болалар учун ихтисослаштирилган давлат таълим муассасасида “Саховат – ҳиммат қилиш” мавзусида хайрия тадбири ташкил этилди.

Ўзбекистон Халқ демократик партияси Қашқадарё вилоят Кенгаши раиси ўринбосари Музаффар Туропов тадбирда сўзга чиқиб, мамлакатимизда сўнгги йилларда инсон ҳақ-ҳуқуқларини таъминлаш ва кафолатлаш, ижтимоий қўллаб-қувватлаш барча ислоҳотларнинг туб мазмун-моҳиятига айланганлигини таъкидлади. Шунингдек, ўзгалар парвариши ва кўмагига муҳтож фуқароларни ижтимоий ҳимоя қилиш давлат зиммасида бўлиб, моддий-маънавий кўмаклашиш ўксик кўнгилларга таскин бериш, меҳр-мурувват кўрсатиш, халқимизга хос азалий қадрият сифатида янги паллага кириб келаётгани ҳақида сўз юритди.

Тадбир якунида депутат Саломат Комилова мактаб-интернат тарбияланувчиларига ўзининг совға-саломларини топширди.

Ўзбекистон ХДП Қашқадарё вилоят кенгаши

Ахборот хизмати.