Халқ депутатлари Шўрчи туман Кенгашига Ўзбекистон Халқ демократик партиясидан сайланган депутат Хушбоқ Ишназаров воҳанинг кўзга кўринган ишбилармонларидан ҳисобланади. Партиядошимиз раҳбарлик қилаётган чорвачиликка ихтисослашган "Исомиддин Диёра" оилавий корхонасида бугунги кунда Австриядан олиб келинган 160 бошга яқин зотдор қорамол парваришланмоқда. Бу зотдаги моллар ҳам гўшт, ҳам сут бўйича маҳсулодорлиги билан чорвадорлар эътиборига тушган.
Эътиборлиси, чорва учун тўйимли, оқсилга бой озуқабоп ем маҳсулотлари корхонага тегишли иссиқхонада гидропоника усулда етиштирилган буғдойдан тайёрланмоқда. Бу эса бозорга етказиб берилаётган маҳсулот таннархига ижобий таъсир кўрсатяпти.
Оилавий корхона бошлиғи Х.Ишназаров тажрибаси билан қизиқиш билдирганларни таништириш ва оммалаштириш мақсадида фермер хўжалигига таклиф қилди. Мазкур жараёнда иштирокчилар хўжалик фаолияти, замонавий технологиялардан фойдаланишнинг афзалликлари билан яқиндан танишдилар. Ушбу йўналишда тадбиркорлик фаолиятини йўлга қўйиш истагида бўлганларга партиядошимиз ҳар томонлама ёрдам кўрсатишини ҳам таъкидлади.
Шунинг билан бирга, "Исомиддин Диёра" оилавий корхонасига "Ёшлар дафтари"га рўйхатга олинган кам таъминланган оила фарзандларидан уч нафари ишга қабул қилинди.
Ўзбекистон ХДП Сурхондарё вилоят кенгаши
Ахборот хизмати.