Ўзбекистон Халқ демократик партияси Хонобод шаҳар кенгаши томонидан шаҳардаги 8-сон мусиқа мактабида расм чизишга қизиқиши бўлган имконияти чекланган болалар ўртасида "Сиз бизга кераксиз" шиори остида "Мафтункор ранглар жилоси" кўрик-танлови ўтказилди.

Аллоҳнинг раҳмати ёғиладиган, меҳр-шафқат ойида бундай тадбирнинг ўтказилишида катта маъно бор, албатта. Ўксик кўнгилларни шод этиш, уларни бошқалардан кам эмаслигини намойиш этишларига имконият яратиш, истеъдод ва қобилиятларини рағбатлантириш кўрик-танловни ташкил этишдан кўзланган бош мақсад бўлди.

Тадбир кў‌таринки руҳда ў‌тди. Кўрик-танлов иштирокчилари партия шаҳар Кенгаши томонидан фахрий ёрлиқ ва эсдалик совғалар билан тақдирланди.

Ўзбекистон ХДП Хонобод шаҳар кенгаши