Хотин-қизлар бандлигини таъминлаш, касбга йўналтириш, муаммоларини ўрганиш мақсадида ЎзХДП Янгибозор туман кенгаши томонидан 41-умумтаълим ўрта мактабида халқ депутатлари туман Кенгаши депутат аёллари, оила ва хотин-қизлар ҳамда “Тадбиркор аёл” уюшмаси туман бўлими билан ҳамкорликда “Аёллар дафтари”да рўйхатда турувчи хотин-қизлар билан учрашув ўтказилди.
Тадбирда жамиятда хотин-қизларнинг сиёсий фаоллигини ошириш, бандлигини таъминлаш, касбга йўналтириш мавзусида фикр-мулоҳазалар билдирилди, бу борада туманда амалга оширилаётган ишлар ҳамда галдаги вазифалар тўғрисида маълумотлар берилди. Учрашув бевосита мулоқат тарзида олиб борилганлиги сабабли, қатнашчилар фикр ва муаммоларини эркин тарзда билдириб, ўзларини қизиқтирган масалалар бўйича бир қатор таклифларни илгари сурдилар.
Бундан ташқари, тикувчилик, қандолатчилик, паррандачилик, асаларичилик йўналишларида фаолият олиб бораётган тадбиркорларнинг кўрсатган амалий кўмаги туфайли кўплаб хотин-қизларнинг бандлиги таъминланди. Шунингдек, “Тадбиркор аёл” уюшмаси томонидан касбга ўқиш истагида бўлган 18 нафар хотин-қиз рўйхатга олинди.
Ўзбекистон ХДП Хоразм вилоят кенгаши
Ахборот хизмати.