Оқолтин туманидаги “Янги ҳаёт” маҳалла фуқаролар йиғинида Ўзбекистон Халқ демократик партияси Оқолтин тумани кенгаши томонидан “Аёллар билан юзма-юз” лойиҳаси доирасида тадбир ўтказилди.

Тадбир давомида аёлларни иш билан таъминлаш муаммоси ўрганилиб, туман касб-ҳунар мактаби қошида ишсиз аёллар учун тикувчилик ва пазандачилик курслари ташкил этилишига келишиб олинди.

Ушбу лойиҳа орқали “Аёллар дафтари”да рўйхатда турган хотин-қизлар касб-ҳунар ўрганиш курсларида бепул ўқиш имкониятига эга бўлди.

Ўзбекистон ХДП Сирдарё вилояти кенгаши

Ахборот хизмати.