ЎзХДП Янгиариқ туман кенгаши ва партия депутатлик гуруҳи Оила ва хотин-қизлар бўлими, “Тадбиркор аёл”, “Ҳунарманд” уюшмалари билан ҳамкорликда “Эгри солма” маҳалла фуқаролар йиғинида “Ҳунарли аёл – элни бойитар” деб номланган тадбир ўтказилди.

Унда маҳалладаги кам таъминланган, “Темир  дафтар” ва “Аёллар дафтар”ида рўйхатда турувчи хотин-қизларнинг бандлиги ва ижтимоий аҳволи ўрганилди. Хусусан, 16 нафар ижтимоий ҳимояга муҳтож хотин-қиз  аниқланиб, уларнинг 2 нафарига иссиқхона ташкил қилиш учун субсидия, 4 нафарига ўзини-ўзи банд қилиш учун томорқа ажратиб берилишига кўмаклашилди. Хотин-қизлардан яна 2 нафари жамоат ишларига жалб қилинган бўлса, икки нафари ишга жойлаштирилди, 14 нафари эса тикувчилик бўйича махсус курсларда ўқитилиб, малака сертификатларига эга бўлди.

Тадбир давомида 2-гуруҳ ногиронлари Ҳ.Казакова ҳамда З.Бобожоновага эшитиш мосламалари совға қилинди.

Ўзбекистон ХДП Хоразм вилоят кенгаши

Ахборот хизмати.