1 июнь – Халқаро болаларни ҳимоя қилиш куни. Ушбу сана муносабати билан Ўзбекистон Халқ демократик партияси томонидан жойларда болажонлар иштирокида байрамлар, маънавий-маърифий тадбирлар ташкил этилмоқда.

Шундай тадбирлардан бири ЎзХДП Бўстон туман кенгаши ташаббуси билан 22-мактабгача таълим ташкилотида “Болаларга беринг дунёни” шиори остида ўтказилди. Унда тарбияланувчилар ўртасида миллий спорт турлари бўйича мусобақалар, азалий урф-одатларимизни ифода этувчи қизиқарли ўйинлар ташкил этилди.

Тадбир сўнгида фаол иштирокчиларга партия туман Кенгашининг эсдалик совғалари топширилди.

Ўзбекистон ХДП Андижон вилоят кенгаши

Ахборот хизмати.