Мирзачўл туманидаги Ғалаба ва Боғбон маҳалла фуқаролар йиғинида "Конституциявий ислоҳотларни амалга оширишда хотин-қизлар иштирокини таъминлаш" мавзусида хотин-қизлар иштирокида тадбир ташкил этилди.

Хотин-қизлар ва эркаклар давлат томонидан кафолатланган тенг ҳуқуқ ҳамда имкониятларга эга. Аёлларнинг ижтимоий-сиёсий фаоллигини ошириш, уларни ҳар томонлама қўллаб-қувватлаш борасида барча шароитлар яратилган.

Жумладан, хотин-қизлар ва эркаклар тенг ҳуқуқли экани Ўзбекистон Республикаси Конституциясининг 46-моддасида белгилаб қўйилган. Бу модда жамият ҳаётининг барча соҳаларида аёлларнинг иштирокини кенгайтиришни ва ҳақ-ҳуқуларни таъминлайди. Тадбирда хотин-қизларнинг қонунда белгилаб қўйилган ҳуқуқлари, уларда учраётган муаммолар депутатлар томонидан ўрганилди ва Конституцияга ўзгартиришлар киритиш борасида таклифлари олинди.