Бўстонлиқ туман ҳокимлигида "Ўзбекистон Республикасининг Конституциясига ўзгартиш ва қўшимчалар киритиш тўғрисида"ги Ўзбекистон Республикасининг Конституциявий қонуни лойиҳаси муҳокамасига бағишланган очиқ мулоқот бўлиб ўтди.
Унда 90-"Бўстонлиқ" сайлов округидан Олий Мажлис Қонунчилик палатасига сайланган депутат Қ.Қосимова, туман ҳокими Ж.Ахмедов, Халқ депутатлари Бўстонлиқ тумани Кенгаши котибияти мудири Ж.Садиров, туман ҳокимлиги мутасаддилари, давлат ва жамоат ташкилотлари вакиллари, маҳалла фаоллари, ҳоким ёрдамчилари ва ёшлар вакиллари иштирок этди.
Очиқ мулоқотда Олий Мажлис Қонунчилик палатаси депутати Қ.Қосимова, туман ҳокими Ж.Ахмедовлар кейинги йилларда фуқароларимиз ҳаётида юз берган ўзгариш ва янгиланишлар, Конституцияга киритилаётган ўзгартиш ва қўшимчаларнинг мазмун-моҳияти ҳақида атрофлича тушунчалар беришди.
