Ўзбекистон ХДП Поп туман кенгаши томонидан “Аёллар билан юзма-юз” лойиҳаси доирасида Навбаҳор маҳалла фуқаролар йиғинида яшовчи хотин-қизлар билан юзма-юз мулоқот уюштирилди.

Унда туман Кенгаши депутатлари Шоҳида Ҳакимова, Маҳамаджон Парпиев, ЎзХДП туман Кенгаши раиси Гулбаҳор Мўминова, 43-умумтаълим мактаби директори Машрабхон Марасулова ҳамда худудда яшовчи хотин-қизлар иштирок этди.

Мамлакатимизда хотин-қизларга қаратилаётган эътибор, улар учун яратилаётган шарт-шароитлар, хотин-қизлар масалаларига оид қабул қилинган қонун ва қарорлар, меъёрий хужжатларнинг мазмун-моҳияти хусусида махаллий Кенгаш депутатлари маълумот бериш баробарида мулоқот иштирокчиларининг мурожаатларини ҳам тингладилар.

Мурожаатларнинг аксарияти ҳозирги кунда газ ва электр токидаги тез-тез узилишларни бартараф этиш юзасидан бўлди.

Депутатлар мазкур мурожаатни ўз назоратларига олиб, фуқароларни электр токи ва газдан тежамкорлик ҳамда эҳтиёткорлик билан фойдаланишга чақиришди.

Тадбирда иштирок этаётган 43-мактаб мусиқа фани ўқитувчиси Ғиёсжон Алишеров худуддаги хотин-қизларни маданий маърифий тадбирлардаги фаоллигини эътироф этиб, аёлларни мадх этувчи қўшиқ ижро этиб, тадбирга кўтаринкилик баҳш этди.

Куннинг иккинчи ярмида Навбахор МФЙ Навбахор кўчасида истиқомат қилаётган 2-гуруҳ ногирони Жўраева Кибирахон ҳамда 1-гуруҳ ногирони Усмонова Хавохонлар хонадонига туман кенгаши депутатлари билан ташриф буюриб, уларни ҳолидан хабар олинди ва озиқ овқат махсулотлари тақдим этилди.