ЎзХДП Чирчиқ шаҳар кенгаши раиси Н. Рахманбердиева томонидан "Бирлик" маҳалла фуқаролар йиғинида "Аёллар билан юзма-юз" лойиҳаси доирасида маҳалла раиси М. Ахророва ҳамда маҳалла фаоллари, хотин-қизлари билан учрашув ташкил этилди.

Улар билан партиямиз фаолияти бўйича тарғибот-ташвиқот ишлари олиб борилди.

Учрашувда тадбир иштирокчиларига мустақил тараққиётимиз давомида амалга оширилаётган ислоҳотлар, жамиятда хотин-қизларнинг иштироки ва ўрни, давлатимиз томонидан хотин-қизларнинг ишлаши учун яратилаётган шароит, имконият ҳамда имтиёзлар, маҳаллаларда юритилаётган "Аёллар дафтари"да қайд этилган ижтимоий ҳимояга муҳтож оилалар, аёллар, ногиронлиги бор шахсларни қўлллаб-қувватлаш, ишсиз хотин-қизларнинг бандлигини таъминлаш ва аёлларга тегишли бошқа масалалар борасида батафсил маълумотлар берилди.

Тадбир иштирокчилари ҳам фаол қатнашиб, учрашув сермазмун, эркин тарздадаги мулоқотда ўтказилди.