“Яшил макон” умуммиллий лойиҳаси амалда
Музработ туманида “Яшил макон” умуммиллий лойиҳаси доирасида барча маҳаллаларда, йўл четларида, муассаса, ташкилот ҳудудларида мевали ва манзарали кўчатлар экиш ҳамда ободонлаштириш ишлари давом этмоқда.
Хусусан, кўчат экиш бўйича эълон қилинган “Сафарбарлик 30 кунлик” лойиҳасига кўра, туманда 449 минг 950 дона кўчат экиш режалаштирилган.
Ўзбекистон Халқ демократик партияси Музработ тумани кенгаши раиси Панжи Норматов ва бошқа депутатлар акцияда фаол иштирок этмоқда.
