Ўзбекистон ХДП Қоракўл ва Олот тумани кенгашлари томонидан “Ўзбекистон Халқ демократик партиясининг энг фаол депутати” кўрик-танловининг туман босқичи ўтказилди.
Унда Халқ депутатлари Қоракўл туман Кенгашидан 4 нафар ва Олот тумани Кенгашидан партиямизнинг 6 нафар депутати иштирок этди.
Кўрик-танловни Ўзбекистон ХДП вилоят кенгаши ташкилий ишлар бўлим бошлиғи М. Аслонов олиб бориб, танлов ўтказиш босқичлари ва шартлари билан иштирокчиларни таништирди. Иштирокчилар натижаларини баҳолаб бориш учун 3 кишидан иборат жюри ва 2 кишидан иборат саноқ комиссияси ташкил этилди.
Бухоро вилоят Кенгаши раиси З. Туйева беллашувлар бошланишидан аввал иштирокчиларга омадлар тилади. Қатнашчилар 3 та шарт бўйича ўз билим ва тажрибаларини синовдан ўтказишди. Якунда ғолиблар фахрий ёрлиқ ва қимматбаҳо совғалар билан тақдирланди.
