Олий Мажлис Қонунчилик палатаси депутати Шарофиддин Назаров Қашқадарё вилоятининг Кўкдала туманида Конституциявий қонун лойиҳаси мазмун-моҳиятини тушунтиришга бағишланган учрашувлар ўтказмоқда.

Аҳоли билан мулоқотларда Конституцияга киритилаётган янги нормалар хусусида батафсил маълумотлар берилмоқда.

Хусусан, ҳар ким қулай меҳнат шароитларида ишлаш, меҳнати учун ҳеч қандай камситишларсиз, меҳнатга ҳақ тўлашнинг белгиланган энг кам миқдоридан кам бўлмаган тарзда адолатли ҳақ олиш, шунингдек, ишсизликдан қонунда белгиланган тартибда ҳимояланиш ҳуқуқига эгалиги, давлат фуқароларнинг бандлигини таъминлаш, уларни ишсизликдан ҳимоя қилиш, шунингдек камбағалликни қисқартириш чораларини кўриши, ногиронлиги бўлган шахслар ҳамда аҳолининг эҳтиёжманд бошқа тоифаларининг ҳуқуқлари давлат ҳимоясида бўлиши белгиланаётгани батафсил тушунтирилмоқда.