Шарбат АБДУЛЛАЕВА, Ўзбекистон ХДП Марказий Кенгаши фахрийлар кенгаши ишчи гуруҳи раиси:

— Халқ демократик партияси Қонунчилик палатасида нисбатан кам ўрин эгаллаган бўлсада, ўйлайманки, партиямиздан сайланган депутатлар Олий Мажлисда ҳам, маҳаллий Кенгашларда ҳам ўз кучини кўрсата олади.

Бунинг учун, биринчидан, сайланган депутатларимиз ўз вазифалари, функциялари, ҳуқуқ ва бурчларини, сайловолди дастурида белгилаган вазифаларни бажариш учун нималарга эътибор қаратиши кераклигини яхши тушунишлари, буларнинг ечимини таъминлаш учун чуқур ўйлаб, амалий ҳаракатлар дастурини белгилаш ва уни амалга ошириш керак.

Иккинчидан, бу вазифаларни бажариш бўйича Марказий Кенгашдан тортиб, туман кенгашларигача Экспертлар кенгашлари ёки гуруҳлари шакллантирилиши, бу гуруҳлар ҳудудларда аҳолини қийнаётган муаммоларни ўрганиш, уларнинг ечимини ишлаб чиқиб, ҳудуд сессияларига олиб чиқиш бўйича депутатлик гуруҳларига амалий кўмак ва йўналишлар бериб туриши керак.

Барча партияларнинг Сайловолди дастурлари билан танишдим. Улар ичида ҳалқ учун энг яқин ва ҳавойи гаплардан йироқ дастур — бу ХДПнинг дастури...