Мавжуда ҲАСАНОВА, ЎзХДП Сурхондарё вилоят кенгаши раиси, Олий Мажлис Қонунчилик палатасига сайланган депутат:

– Партиямизнинг ҳудудларда обрўсини кўтаришда жуда кўп масала кадрларга боғлиқ. Ҳар доим бу гапни айтамиз, шунга яраша қатъий позицияда иш тутишимиз ҳам керак. Ўтган йили Бойсун туман кенгашига ёш, ҳаракатчан кадрга ишонч билдирганимизда салбий муносабатлар ҳам бўлган эди. Лекин сайлов натижалари ёш мутахассисни қўллаб-қувватлаш хато бўлмаганини тасдиқлади.

Партия ҳурмат-иззати учун курашмайдиган, ишлаётган ташкилоти учун жон куйдирмайдиган, эскича кайфиятдан қутула олмайдиган ходимларга бундан кейин орамизда жой йўқ бўлиши керак, деб ҳисоблайман.