Халқ депутатлари маҳаллий Кенгашлари депутатлари орасидан Олий Мажлис Сенати аъзолари сайланмоқда.
Бугун бўлиб ўтган халқ депутатлари Тошкент шаҳар Кенгаши депутатлари мажлисида ушбу масала кўриб чиқилди. Унда депутатлар орасидан 6 нафари Олий Мажлис Сенати аъзоси этиб сайланди. Қувонарлиси, 6 нафар сенаторнинг 3 нафари Ўзбекистон Халқ демократик партияси фаол ва фидойи вакилларидир.
Улар – 25-Себзор сайлов округидан депутат Танзилла Норбоева, 51-Хиёбонтепа сайлов округидан депутат Рустам Каланов ҳамда 11-Зиёлилар сайлов округидан депутат Шамансур Сагдуллаев.
Халқ демократик партиясидан Олий Мажлис Сенати аъзолигига сайланган вакилларимизнинг халқ манфаатлари йўлида олиб борадиган фаолиятига муваффаққият тилаймиз.
Ўзбекистон ХДП Тошкент шаҳар кенгаши
Ахборот хизмати