Юртимизда "Кам таъминланган оилаларга моддий ёрдам кўрсатиш ҳамда камбағаллик билан курашиш кўламини янада кенгайтириш" мақсадида кўплаб амалий лойиҳалар ўтказилмоқда.

Хусусан, Ўзбекистон ХДП Булоқбоши туман кенгаши раиси М. Холмирзаева томонидан "Уйма-уй" лойиҳаси доирасида тадбир ташкил этилди. Унда Кўприкбоши ва Навоий маҳалла фуқаролар йиғинларида яшовчи ногиронлиги бор ёлғиз кексалар ва хотин-қизлар ҳолидан хабар олинди.

Улардан Абдураҳмонова Насимахонга ногиронлик аравачаси, Алиева Дилрабога қўлтиқтаёқ, Исмоилова Хабибахонга эса озиқ-овқат маҳсулотлари улашилди. Шунингдек, ҳамширалар билан ҳамкорликда узоқ вақт бемор ётган ёши улуғ онахонлар ва аёллар ҳолидан хабар олиниб, керакли дори-дармонлар билан таъминланди.