Ўзбекистон ХДП Марказий Кенгашининг 2023 йилги иш режасига асосан Жиззах вилояти Арнасой туманида ижтимоий муаммоларни ҳал этишнинг мутлақо янги тизими «Ижтимоий ҳимоя ягона реестри» ишлашини тўғри ташкил этиш, ижтимоий ҳимоя учун ажратилаётган маблағларнинг манзилли ва мақсадли ишлатилиши устидан депутатлик ва жамоатчилик назорати олиб борилди.

Жумладан, ЎзХДП Жиззах вилоят кенгаши раиси ўринбосари М. Бобоева, Арнасой туман кенгаши раиси О. Мустафаев, “Ғолиблар” МФЙ хотин-қизлар фаоли М. Мурадовалар билан биргаликда маҳалада яшовчи ижтимоий ҳимояга олинган 10 нафар фуқароларнинг яшаш шароитлари ва муаммолари ўрганилиб, тегишли тавсия ва тушунчалар берилди.