Мухтор Илҳомов — Халқ депутатлари Тошкент шаҳар Кенгаши депутати, ЎзХДП гуруҳи аъзоси, "Учтепа" маҳалласи раиси.

Мухтор ака 23 йилдан буён маҳалланинг иссиқ совуғидан хабардор, доимо инсонлар кўнглига йўл топиб, уларнинг муаммоларини ҳал қилишда бутун вужуди билан ишга киришадиган фидойилардан.

Янги йил байрами арафасида Мухтор Илҳомовга Ўзбекистон Республикаси Президенти алоҳида табрик йўллаб, шундай фикрлар билдирган эди:

— Янги Ўзбекистонда Учинчи Ренессанс пойдеворини бунёд этишда фаол иштирок этиб, беқиёс ҳисса қўшиб келаётганингизни алоҳида таъкидлаган ҳолда, ёш авлоднинг таълим-тарбия ва камолоти, маънавий-маърифий соҳадаги ишлар самарадорлигини ошириш, илм-фан, маданият, адабиёт ва санъатни ривожлантириш йўлидаги шарафли фаолиятингиз бардавом бўлишига тилакдошман, — дейилган Президент табрикномасида.