Ўзбекистон Республикаси Олий Мажлиси Сенатида "Сенатор ва ёшлар" учрашуви ўтказилди. Унда Сенат аъзоси Г.Маруфова, Ўзбекистон ХДП Тошкент вилояти Кенгаши вакиллари ва Тошкент вилоятининг фаол ёшлари иштирок этди.

Ёшлар билан мулоқотда қонун ижодкорлиги жараёни, назорат-таҳлил тадбирлари, халқаро учрашувлар хусусида сўз юритилиб, жамиятимизда ёшларга яратилаётган имкониятлар, мамлакатимизда қабул қилинаётган норматив-ҳуқуқий ҳужжатлар, жумладан, ёшларга доир қонунларнинг мазмун-моҳияти тушунтирилди.