Халқ депутатлари Сурхондарё вилоят Кенгаши котибият мудири С. Абдураимов, Ўзбекистон ХДП Бойсун туман кенгаши раиси, халқ депутатлари туман Кенгаши депутати З. Ўзбекова ташаббуси билан “Коррупция тараққиёт кушандаси” мавзусида давра суҳбати ташкил этилди.

Халқ депутатлари туман Кенгаши депутатлари, туман Маънавият бўлими ҳамда бошқа давлат ва жамоат ташкилотлари ходимлари иштирок этган тадбир туман котибияти биносида ўтказилди.

Давра суҳбати давомида туманда мавжуд ташкилотлар, муқаддам коррупция билан боғлиқ содир этилган ҳолатлар ва келгусида шу каби салбий ҳолатларнинг олдини олиш борасида амалга оширилиши лозим бўлган вазифалар белгилаб олинди. Жамоатчилик ичида мазкур масалада тушунтириш ишлари олиб борилиши лозимлиги бўйича топшириқ ва тавсиялар берилди.