Ўзбекистон ХДП Вобкент туман кенгаши томонидан «Хайрхуш» МФЙ ҳудудидаги 9-сон оилавий шифокорлик пункти ходимлари билан ҳамкорликда «Соғлом она – соғлом оила» шиори остида оналар ва болалар саломатлигини мустаҳкамлаш мақсадида, ижтимоий ҳимояга муҳтож аёллар ва болалар тиббий кўрикдан ўтказилди.

Кўрикка жами 55 нафар фуқаро жалб қилиниб, унинг натижаларига биноан 6 нафар аёлга даволаниш учун йўлланмалар берилди. Оналар ва болалар саломатлигини мустаҳкамлаш, уларга тиббий ёрдам кўрсатиш сифатини ошириш юзасидан амалга оширилаётган ишлар партиямиз фаолларининг кундалик вазифасига айланган.